Ég ætla ekki að verða langorður, heldur kasta fram smá umræðu sem mér hefur fundist vanta.

Hvað hefur Evra umfram Dollara hér á landi??

Getur einhver svarað mér þessu?

Í ljósi þeirrar umræðu sem fram hefur farið undanfarna daga hér í þjóðfélaginu, að þá hafa allir einblínt á það að Evran sé lausnin, en er það? Ég er ekki viss. Það er ljótt að segja það, en til lengri tíma að þá mun krónugreyjið ekki standa uppi sem sigurvegari í boxhring gjaldeyrisins heldur mun hún láta á sjá sem fallandi stjarna, stjarna sem kom Skerinu á kortið, stjarna sem felldi land og þjóð. Vegna þessa raunveruleika sem við stöndum frammi fyrir að þá sjá ráðamenn annars stjórnarflokksins ekki annað en það eigi að ganga í ESB eins og skot, og skipta um gjaldmiðil, annað sé vitleysa. Mér þykir það nú skjóta skökku við, því á sama tíma og utanríkisráðherra boðar þetta, vill hún færa meiri völd frá þingi til sveitarfélaga og því spyr maður sig hvort hún nenni ekki að vinna en vilji halda laununum sínum sem einhver milligönguaðili á milli sveitarfélaga og Brüssel, það er allavegana það sem ég les úr hennar orðum. Vilji þessi góða frú fá borgað í Evrum, að þá mæli ég með því að hún flytji úr landi og reyni að fá sér vinnu á evrusvæðinu, mæli sérstaklega með Spáni, Frakklandi, Finnlandi og Grikklandi í þessu samhengi, þá sæi hún hvernig ástandið yrði hér heima, fengi hún að ráða.

Evran hefur mun meiri ókosti fyrir okkur en kosti. Nú? Jú vegna þess að einu löndin sem að hún hefur gert gott hingað til eru hin fátæku ríki, hún hefur komið á jöfnuði, í bókstaflegri merkingu, vel stæð lönd, sem voru, eru nú á sama stigi  í efnahagslegri og atvinnumálalegri þróun og austantjaldsríkin sem nú eru að koma inn í evruvæðinguna, eitt af öðru.
Finnland var í svipaðri stöðu og við íslendingar stöndum frammi fyrir, fyrir rétt um 15 árum síðan. Þeir fóru þá leið að ganga í myntbandalagið og hvað sekeði, þeir töpuðu síni sjálfstæði, þeirra eigin ákvarðanatöku var nú stjórnað frá Brüssel og í hvert skipti sem var gengið til endurnýjunar samninga við þá, að þá var skorið af þeim fyrri, ESB vildi græða. Hvað gerist hjá þjóð sem telur ekki nema rétt um 300 þúsund manns í svona samningum, þegar að margra milljóna þjóð getur ekkert gert vegna ofríkis þeirrar valdstjórnar sem í raun stjórnar?
Við sem þjóð myndum tapa þeim réttindum sem við eigum í landhelginni okkar. Hingað myndu flæða bátar frá Bretlandi, Frakklandi, Spáni. Ekkert yrði nýtt hér. Hin stóru vinnsluskip sem þeir eiga myndu taka okkar stæðstu togara og nota sem björgunarbáta ef á þyrfti að halda, allur bolfiskur yrði fluttur út og eins megnið af þeim uppsjávarfisk sem hér veiðist, vinnsluskipin kæmu og myndu ryksuga 200 mílurnar okkar.
Eins með landbúnaðinn. Hér á fróni er erfitt að stunda landbúnað, styrkjalaust og því hefur verið gert margt til þess að aðstoða bændur við það að vera réttu megin við núllið, allavegana þá sem það hafa viljað. Með inngöngu í myntbandalagið að þá hverfur þetta matvælaöryggi sem við búum við núna, fyrir nokkrum mánuðum að þá var talað um það í fréttum að hér ætti að leggja niður landbúnað og flytja inn allar þær vörur sem við þyrftum. Það hefur sannast á undanförnum mánuðum hvað það er gott að hafa landbúnað og fiskvinnslu hér á landi, en þurfa ekki að reiða sig á matarhjálp Sameinuðu Þjóðanna.
    Ef evran er svona frábær, því hafa Bretar ekki tekið hana upp?

Varðandi US dollara að þá er stór hluti gjalda og tekna okkar íslendinga í honum. Báxít er flutt til landsins, það unnið og út er flutt ál. Heimsmarkaðsverð áls er reiknað í dollar, og það rafmagn sem selt er til þessara framleiðenda hér á landi fer líka eftir heimsmarkaðsverðinu á áli, þ.e. eftir því sem verðið er hærra, þeim mun meira kostar kílóvattstundin.
Síðan er heimsmarkaðsverð olíu skráð í bæði pundum og pundum og dollar. Dollarinn er sterkari þar. Dollarann er hægt að taka upp einhliða, rétt eins og Venesúela gerði, og eins og flestir vita að þá er þarlandur forseti, Hugo Chaves og Georg W. Bush ekki beint bestu vinir, en það var einfalt að ganga frá því. Venesúela kaupir peningana af könunum og að öðru leyti er þetta skuldbindingalaust samstarf. Það sama er með evruna, hana þarf að kaupa frá Brüssel, en þaðan þarf líka að taka við öllum skipunum landsmála.

    Meira gæri ég nú tínt til en ég er orðin þreyttur og þarf að fara að leggja mig. Vona að einhverjir kommenti á þetta og segi sína skoðun á þessum málum.

Íslenskt og japanskt fyrirtæki ákváðu að keppa í róðri á áttæringi. Liðsmenn frá báðum fyrirtækjum æfðu stíft og voru í toppformi þegar að sjálfri keppninni kom. Japanirnir urðu 1 km á undan íslenska liðinu.
Eftir útreiðina var mórallinn að sjálfsögðu heldur slæmur í íslenska fyrirtækinu og yfirstjórnin ákvað að fyrirtækið yrði að vinna keppnina að ári. Var settur á fót vinnuhópur til að skoða vandamálið.
Eftir heilmiklar pælingar komst vinnuhópurinn að því að Japanirnir létu 7 menn róa en einn stýra. Í íslenska liðinu var það einn sem réri og sjö sem stjórnuðu. Vegna þessarar miklu krísu afréð yfirstjórn íslenska fyrirtækisins að fá ráðgjafarfyrirtæki til að kanna strúktur íslenska liðsins og gera nýtt skipurit ef á þyrfti að halda. Eftir margra mánaða vinnu komust stjónunarfræðingarnir að því að í íslenska bátnum væru það of margir sem stjórnuðu en of fáir sem réru. Með hliðsjón af skýrslu sérfræðinganna var strax ráðist í skipulagsbreytingar. Í stað þess að hafa sjö stýrimenn, einn áramann voru nú hafði fjórir stýrimenn, tveir yfirstýrimenn, einn leiðtogi stýrimanna og einn áramaður. Að auki var áramaðurinn “motiveraður” samkvæmt meginreglunni: “Að breikka starfssvið starfsmanna og veita þeim meiri ábyrgð”.
Næstu keppni unnu Japanirnir með 2 km forskoti.
Íslenska fyrirtækið rak að sjálfsögðu áramanninn með tilliti til lélegrar frammistöðu, en greiddi bónus til stjórnarinnar vegna þeirrar miklu vinnu sem hún hafði innt af hendi.

konu sem uppfyllir eftirfarandi

HVERNIG SKAL SÚ KONA VERA
SEM KARLI ÞARF TIL HÆFIS AÐ GERA
HÚN ÞARF AÐ VERA UNDURFRÍÐ
OG KARLI SINUM ÁVALT BLÍÐ
MEÐ MATINN ALLTAF Á RÉTTUM TÍMA
OG EKKI SITJA OG HANGA Í SÍMA
SKIRTAN STROKIN INN Í SKÁP
OG EKKERT ÓÞARFA BÚÐARRÁP
AÐ BAKA KONAN ÞARF AÐ KUNNA
OG HAGA SÉR EINS OG NUNNA
BARN SKAL KONAN MANNI SINUM ALA
OG EKKERT YFIR ÍÞROTTUNUM TALA
KARLINUM ÞARF HÚN SÍFELLT AÐ HÆLA
OG Á KVÖLDIN VIÐ HANN GÆLA
KONAN SKAL VEXTI HALDA FÍNUM
ÞÓ AÐ KARLINN TAPI SÍNUM LÍNUM
KARLINN ÁVALT STYÐJA Í FRAMAPOTI
OG EKKI VEKJA ÚR FYLLIRÍSROTI
HEIMILIÐ SKAL VERA STROKIÐ OG FÍNT
SVO KARLINN GETI ÞAÐ ÖÐRUM SÝNT
KONAN SKAL KUNNA AÐ NEGLA OG SAGA
SVO HÚN EKKI ÞURFI KARLINN AÐ PLAGA
GARÐINN AÐ HREINSA OG BÍLINN AÐ BÓNA
OG BURSTA AF KARLINUM SKÓNA
SVO SKAL HÚN BROSA OG VERA FÍN
SVO KARLINUM GLEPJIST EKKI SÝN
EN EF HANN RÆR Á ÖNNUR MIÐ
SKAL KONAN KUNNA AÐ HALDA FRIÐ
ÞIÐ VITIÐ ÞAÐ EFLAUST ALLAR NÚ
AÐ VANDI ÞAÐ ER AÐ VERA FRÚ.


Umsóknir óskast sendar á holt65@hotmail.com og eða í síma 867-5549

Húnavaka um seinustu helgi, brjálað stuð eins og vera ber og ég er skroppinn í sveitina.....Þangað til næst

Jæja dömur mínar, herrar og hinir sem lesið, eða lesið ekki.

Frá höfuðstað Norðursins er ekkert að frétta, hef ég eftir Runa og ennþá minna héðan frá Akureyrinni, fyrri undankeppni Júróvision búinn og ætla ég að láta Nonna það eftir að tjá sig um það sem henni viðkemur enda ég enginn spekingur þegar kemur að þeim málum, annaðhvort eru stelpurnar í fötum eða ekki  
    Ég er ennþá í vinnunni, og hef ekki náð að gera neitt stórvægilegt af mér, búinn að steipa beltavélinni sem að ég er á núna einu sinni á nefið ofan í skurð, skemmdarlaust og ekki mér að kenna og náði ég einnig að ''afbelta'' hana tvisavar, reyndar með svo skömmu millibili að kallarnir á verkstæðinu voru ekki stignir út úr bílnum þegar það var hringt í þá aftur Enda fékk ég kveðjuna mína í hausinn um leið og þeir komu en ég kvaddi þá í fyrra skiptið með þeim orðum að ''þetta mun aldrei ske aftur''  
    Annars að þá er allt frekar tilbreytingarlaust eins og er maður vaknar í vinnuna, kemur heim fær sér að borða, smá sjónvarp og svo beint að sofa, verður varla einfaldara, en mætti vera með meiri tilbreytingu, allavegana eins og einu sinni í viku.

Annars að þá væri gaman að fá smá komment á þessa misleiðinlegu pistla sem að ég er að skrifa, bara svona til að vita hvort að það séu einhverjir sem að lesa þessa bölvuðu vitleysu

Síðan vil ég þakka öllum þeim sem að sendu mér samúðarskeyti, blóm eða kransa í tilefni aldarfjórðungsins míns um daginn. Þann morgunn varð mér ljóst að ég væri orðinn gamall. Ástæðan? Jú, ég vaknaði kl 6 um morguninn við það að ég þurfti að fara fram á bað að pissa

PS: Á meðan ég man.......................................................................................................................................................................................................................................................................................................................................................ég er að skreppa til Rodos í September

Góðan daginn. Þegar að þið hélduð að maður væri lagstur undir sæng og sofnaður að þá skjátlaðist ykkur frekar illa, vegna þess að ég mundi allt í einu eftir því að ég ætti blogg

En héðan er allt svona frekar gott að frétta. Kominn á sumardekkin og svona, Vinnan gengur fínt og mér hefur ekki tekist að skemma neitt allvarlegt að ráði
Mest hef ég verið að djöflast á traktorsgröfum og þar fast á eftir fylgja bílarnir, og var mér tilkynnst að ég yrði ekki vinsæll ef að ég myndi velta þeim sem ég hef verið mest á, enda kostar sá litlar 40 mills og er ekki nema rétt um 50 tonnin lestaður Já góðir álesendur, ég er að tala um Búkollu, AKA, námubíl á veltiöxli

En hann lýtur nokkurnvegin svona út.

Síðan hef ég einnig aðeins verið að rúnta um á vélabílnum þeirra hjá GV, en það er 71 árgerð af VOLVO sjarmatrölli og kann ég nánst því betur við hann heldur en þessa
En sennilega er það bara vegna persónuleika þess gamla

Annars á þá bendi ég bara á heimasíðuna hjá þeim http://www.gvgrofur.is/
Og vil ég óska Runa og Nonna til hamingju með það að nálgast ellilífeyrisþegaaldurinn óðfluga

Eins og flestir eflaust vita nún að þá er ég fluttur norður um heiðar aftur og fer svo að vinna á Akureyri núna um mánaðrmótin, og geymi mig heima í sveit á meðan.

En ég las einn góðann í gær á blogginu hjá Dofra Hermannssyni og fannst mér hann það góður og sannur að ég ákvað að stela hinum frá honum og pósta hérna .

Bon apetit

Maður í loftbelg sá að hann var að missa hæð. Hann tók eftir konu á jörðinni, lækkaði flugið aðeins meira og kallaði til hennar: Afsakið, geturðu hjálpað mér? Ég lofaði að hitta vin minn fyrir klukkutíma, en veit ekki hvar ég er.

Konan svaraði: Þú ert í loftbelg sem svífur í 10 metra hæð, milli 40. og 41. Norðlægrar breiddargráðu og milli 59. og 60. Vestlægrar lengdargráðu.

Þú hlýtur að vinna við tölvur, sagði loftbelgsmaðurinn.

Það geri ég, svaraði konan. Hvernig vissirðu það ?

Nú, svaraði maðurinn, allt sem þú sagðir mér er tæknilega rétt, en ég hef ekki hugmynd um hvaða gagn er af þeim upplýsingum, og reyndar er ég enn villtur. Satt að segja þá hefur ekki verið mikil hjálp frá þér. Ef eitthvað er þá hefurðu helst tafið ferð mína.

Konan svaraði: Þú hlýtur að vinna við stjórnun.

Já, sagði maðurinn. En hvernig vissir þú það?

Nú, sagði konan, þú vissir hvorki hvar þú ert né hvert þú ert að fara.

Eintómt loft hefur komið þér þangað upp sem þú ert. Þú gafst loforð sem þú hefur ekki hugmynd um hvernig á að efna og þú ætlast til þess að fólk fyrir neðan þig leysi þín vandamál. Reyndar ertu í sömu stöðu og þegar við hittumst, en nú er það einhvern veginn mín sök.

 

....svo heppinn að verða númer 20.000 til að skoða síðuna sem EKKERT gerist á? Fylgjumst með og lesum Moggan á meðan, margir virðast vera um hituna og veit ekki nokkur veðbanki hvernig muni fara, enda margir um hituna. Verðlaun verða vegleg og ekki skorin við nögl í þessari óráðsíufyllerísferð sem Íslendingar hafa látið lokka sig út í á þessum síðustu og verstu dögum krónurnar Og má maður ekki vera minni en hver meðal-einstæð-húsmóðir í Breiðholtinu, enda verður sá sem vinnur að tilkynna það í ATHUGASEMDUM, en þær birtast fyrir neðan hvert blogg og gefst fólki þar tækifæri á að tjá sig um það sem er skrifað. Endilega nota þennan skemmtilega  valmöguleika, því að hann gefur lífinu lit og skapar skemmtilegan grundvöll á samræðum hérna, á þessum síðustu og verstu tímum netsins.



Þanga til næst munið ATHUGASEMDIR.
 
ps. Við biðjum að heilsa ykur öllum.

pps. Já þetta er ekkert grín.

ppps. Bless í bili.

Skýring á "Markaðssetningu"

Fólk biður oft um útskýringu á "markaðssetningu".
Hér kemur hún:

Þú ert kona og sérð flottan mann í partýi. Þú ferð upp að honum og segir, "Ég er frábær í rúminu." Þetta er bein markaðssetning.

Þú ert í partýi með fullt af vinum og sérð flottan mann. Einn af vinum þínum fer upp að honum, bendir á þig og segir, "hún er frábær í rúminu." Þetta er auglýsing.

Þú ert í partýi og sérð flottan mann. Þú labbar upp að honum, færð símanúmerið hans, hringir í hann daginn eftir og segir, "Hæ, ég er frábær í rúminu." Þetta er símamarkaðsetning.

Þú ert í partýi og sérð flottan mann, þú lagar til fötin þín, labbar upp að honum og réttir honum glasið þitt og segir við hann, "Fyrirgefðu, má ég?" Lagar bindið hans, nuddar brjóstunum létt utan í hann og segir, "Ó á meðan ég man, ég er frábær í rúminu." Þetta eru almannatengsl.

Þú ert í partýi og sérð flottan mann. Hann labbar upp að þér og segir,"Ég hef heyrt að þú sért frábær í rúminu." Þetta er þekkt vörumerki.

Þú ert í partýi og sérð flottan mann. Hann langar í þig en þú færð hann til að fara heim með vinkonu þinni. Þetta er söluorðspor.

Vinkona þín getur ekki fullnægt honum, svo hann hringir í þig. Þetta er tækniaðstoð.

Þú ert á leið í partý þegar þú uppgvötar að það gætu verið flottir menn í öllum þessum húsum sem þú ert að labba framhjá. Svo þú klifrar upp á þakið á einu af þessum húsum, sirka í miðjunni og öskrar úr þér lungun, "Ég er frábær í rúminu." Þetta er ruslpóstur.

Þú ert í partýi, þessi vel byggði massaði maður kemur til þín, káfar á brjóstunum á þér og klípur í rassinn. Þetta er Arnold Schwarzenegger.

Þér finnst það gott, en 20 árum seinna ákveður lögfræðingurinn þinn að þetta hafi verið kynferðisleg áreitni og undirbýr lögsókn. Þetta eru Bandaríkin

Að þá kom nokkur hluti Norska uppsjávarfiskveiðiflotans í höfn hér á Neskaupsstað til að bíða eftir sér veðrið og telst mér til að þeir séu 8 hér í höfninni, enda er búið að vera stuð á barnum En ekki eru allir þessir sjóarar jafn heppnir, eins og eftirfarandi myndir sýna, en það sem að skeði var að skipið Fiskeskjer festist í fullri inngjöf og þá var ekki margt til ráða, höfnin full af skipum og grjótvarnargarðurinn á milli smábátahafnanna. Vel gekk að toga dallinn út, en það var systurkopurinn Strand Senior sem sá um það. ALLIR Á BARINN Í KVÖLD.

 

 

Fleiri myndir hér http://www.flickr.com/photos/disa_la/

að þá er alltaf fjör í sveitinni, eins og í borgarpólitíkinni undanfarið En eftirfarandi myndband var tekið upp í sveitinni fyrir nokkrum dögum á falda myndavél.

 

Njótið.

 

http://www.youtube.com/watch?v=Mtfb4m6xGCA

Ég er að blogga

 

Ætla nú svosem ekki að hafa það neitt alngt, en samt lengra heldur en síðast, og þarf þar að leiðandi ekki mikið til En já, jólin eru búin með öllu sýnu ofáti, slitnum buxnatölum og velmegunarvömb sem hefur ekki sést áður norðan Alpafjalla og nú er unnið að því hörðum höndum að koma öllu í sínar skorður Hvernig svoseom það muni ganga

 

En af okkur skötuhjúunum er ekkert að frétta, Vordís í skóla og ég að vinna, allt að smella í það sama, og ég er farinn að hugsa mér til hreyfings með það að skipta um bíl, enda búinn að eiga JEPPAN  síðan í DESEMBER 2006, rétt rúmt ár. ÚFFF. Að það geti verið svona erfitt að eiga sama bílinn lengi

 

Hugsum til Nonna með það, búinn að eiga Golfinn síðan árið fyrir krist, og eru þeir orðnir sálufélagar

 

En annar að þá bið ég bara að heilsa og það væri gaman að vita hverjir koma hingað inn með því að gera einhverjar athugasemdir.

 

Ps: Þá myndi maður kannski blogga meira

 

Pps: Er einhverjum sem langar í Jeppa

já gott fólk, við erum sko að tala um klikkað stuð hérna á Neistaflugi Við Helgi tókum föstudaginn í það að bruna á Borgarfjörð eystri og kíkja á Álfaborgarsjéns. Það var mikið gaman, þar hitti ég ættingja og margt skemmtilegt fólk. Við vorum komin norður á Borgafjörð rétt eftir 7, brunuðum á tjaldstæðið og Helgi var ekki lengi að koma upp tjaldvagninum okkar. Síðan kl 8 fórum við á hagyrðingakvöld já, ég vissi ekki alveg við hverju ég átti að búast þar, en Helgi var rosa spenntur. Og við erum sko að tala um þvílíka skemmtun, þetta stóð yfir í um 2 og hálfan tíma og var svaka fjör. Maður hló og hló og hló út í eitt. Ég hafði reyndar áhyggjur af því að við yrðum einu manneskjurnar þarna inni sem værum undir þrítugu en það var alveg óþarfi, það var tölvert af ungu fólki þarna í salnum. Mér leið nú samt dáldið nördalega á þessari samkomu Svo um kvöldið fórum við á ekta sveitaball með Nefndinni. Það var bara ágætasta ball.

Á laugardeginum keyrðum við aftur á Neskaupstað, horfðum á brunaslönguboltan og síðan var lagt sig fyrir kvöldið. Fjóla og Brynjar kíktu síðan til okkar um kvöldið og við gerðum okkur tilbúin fyrir ball. Buff var að spila í íþróttarhúsinu og stefnan var tekin þangað. Þar hittum við síðan Hönnu Báru, nýbakaða móður, og skelltum okkur síðan inn. Buff er náttúrlega bara ein besta ballhljómsveit á landinu í dag. Þvílíka stemmingin sem þeir ná upp Þetta kvöld var náttúrlega bara ofur skemmtilegt og endaði með því að við skruppum niðrá kaffihús sem var opið og fengum okkur gotterí. Ég fékk mér panini sem var alveg "ógeðslega" gott

Sunnudagurinn fór svo að mestu í að sofa Síðan fórum við á brennuna og horfðum á klikkaða flugeldasýningu, hún var ofur flott. Síðan fórum við Helgi heim og eitthvað vorum við nú löt af fara á Todmobile ( Helgi ekkert alltof spenntur fyrir þessari hljómsveit). En ég ákvað síðan að skella mér eftir að hafa heyrt í Fjólu um 12 leitið. Og sé sko ekki eftir því, þetta var bara ennþá skemmtilegra en kvöldið áður, þó svo að mér finnist Buff betri ballhljómsveit. Síðan komu vinir Brynjars, Arnar, Birkir, Kristó og kærasta hans Vala og fleiri. Þrælskemmtilegt fólk alveg Síðan var húsinu lokað um fjögur og þá fóru allir út og margir heim eða í eftirpartý, við vorum þarna úti allavega til 6 og hittum margt þrælskemmtilegt fólk, þótt flestir hefðu nú verið horfnir eitthvað burt, en ég, Fjóla, Brynjar, Arnar og Ingimar vorum enþá eftir ásamt fleirum. Sólin lét síðan sjá sig og mikið var pælt í því hvort það væri ekki bara málið að leggjast í sólbað þarna undir morgun. Hættum nú samt við það og drifum okkur bara heim.

Vaknaði síðan eituhress á mánudeginum um hálf2 og við Helgi skelltum okkur bara inní hesthús og fórum á hestbak.

Helgi gerði síðan góð "kaup" í vikunni. Skipti á gullvagninum fyrir annan tjaldvagn Tjaldvagninn sem við áttum fyrir var eitthvað um 4,6m² þegar búið var að sitja hann upp semsagt pínulítill en þessi sem við fengum í staðin er huges og með stærðarinnar fortjaldi og eldunarastöðu og fínerí Hann er svipað gamall og hinn, eitthvað rétt eftir 1980 en í mjög fínu standi. Sá sem við skiptum við var að leyta sér eftir svona litlum vagni sem hann gæti skellt á toppin á landrovernum sem hann á. Sem er bara snilld, hafa tjaldvagninn á toppnum og bruna svo uppá fjöll á gæs eða eitthvað En þessum 35þúsundkalli held ég að hafi bara verið vel eytt hjá Helga, vera kominn með fínan tjaldvagn fyrir svona lítinn pening er bara nokkuð gott þykir mér

Á næstunni er síðan bara skólinn sem er að fara byrja, ferð til Eistlands og vonandi ein útilega í viðbót áður en haustið skellur á - Atlavík væri náttúrlega bara snilld  

 

Þangað til næst

Vordís 

Best að nýta tækifærið núna þegar það er ekkert að gera í apótekinu og blogga eitthvað. Enginn kúnni búinn að koma núna í hálftíma  

En já fréttir  

Það er aðalega hestastúss sem stendur uppúr hjá mér. Fyrst var það félagsmótið sem var aðra helgina í júní, þar varð ég í 1.sæti í ungmennaflokki og komst í úrslit í opna töltinu klárinn ákvað síðan að stökkva útúr brautinni rétt áður en úrslitin voru búin (stökk bara yfir spottan og út) þannig að ég endaði í 5 sæti. Var samt fullkomlega sátt við það, bjóst ekki við að fara í úrslit og var eiginlega á leiðinni að fara ríða heim með klárinn eftir forkeppnina (úrslitin voru beint á eftir). En pabbi sagði mér nú að bíða og heyra hvort ég væri í úrslitun, svo ég ákvað að gera það.  En þetta var fjör, rosa gott veður sem við fengum og mótið fór vel fram í alla staði.

Síðan var náttúrlega stefnt á fjórðungsmót sem var haldið núna um síðustu helgi. Mig langaði bara mest að komast í úrslit, það var markmiðið, en síðan sá maður ráslistana og þá sem voru að keppa og hugsaði að það gæti nú orðið erfitt, engar smá sprengjur sem þessi ungmenni eru á En klárinn stóð sig ágætlega og ég komst í úrslit var ekkert smá ánægð og varð í 8.sæti í úrslitunum

Mótið var svaka fjör, gott veður (um helgina) og skemmtileg böll um kvöldin. Helgi ákvað síðan rétt fyrir mótið að festa kaup á litlum tjaldvagni svo við þyrftum ekki að liggja í tjaldi þessa 5 daga sem við vorum uppá héraði. En tjaldvagninn er alger snilld, hann nær ekki 200kg, er lítill og það fer ekkert fyrir honum. En Helgi stoppaði náttúrlega ekki við það að kaupa tjaldvagn. Þegar við vorum komin uppá hérað á miðvikudeginum að þá var náttúrlega byrjað að kaupa inn, og núna eftir þessa helgi þá eigum við fullt af útilegudóti. Gashitara, gasljósi, ferðagrilli (kol), gashellu, pottasett á helluna góðu og alskonar smádót sem þessu fylgir. Núna verðum við bara að fara skella okkur í útilegu

 Helgi stendur svo að sjálfsögðu alltaf fyrir sínu - bíladellan og landrover æðið hefur gripið hann enn á ný kannski verður kominn nýr bíll fyrir versló ? hver veit...  

Já og svo er pæling, hvað á að gera um versló ? Systkini mömmu voru eitthvað að spá í að hittast í Húsavík en ég reikna með að það verði ekki um verslunarmannahelgina, hef ekkert meira heyrt um það þannig að helgin liggur nokkuð bara í lausu lofti. Spurning um að elta bara góða veðrið ? Annars verður að sjálfsögðu besta veðrið hérna á nesk eins og alltaf   En endilega kommentið, hvert er planið hjá ykkur, hvar á að vera ?

 

 

Jæja, kominn tími á fréttir héðan

 

Skólinn er núna loks búinn og ég get ekki annað sagt en að ég sé alveg rosalega ánægð með árangurinn hef aldrei fengið svona háa meðaleinkunn - fékk 9.86. Fékk semsagt 10 í íslensku, sögu, félagsfræði, efnafræði, eðlisfræði (sem ég tók í fjarnámi) og erfðafræði, fekk svo 9 í þýsku svo ætla ég að taka tvo áfanga í sumarskóla í júní. Þá á ég 32 einingar eftir. Ég held að ég verði skráð í 21 einingu í haust þannig að vorið 2008 verður mjög rólegt

Ég er síðan byrjuð að vinna í apótekinu og líkar það bara vel. það á eftir að taka smá tíma að komast inní þetta allt, læra allt um lausasölulyfin og hvað þau gera og svo bara allt sem er í búðinni.

En að öðru, Helgi er fyrir norðan í sauðburð og hann var að segja mér fyrir nokkrum mínútum að það séu kominn 600 lömb það er ekkert lítið takk. samt eiga alveg um 200 kindur eftir að bera þannig að þessi tala mun hækka tölvert. Ég held að planið sé svo að hann komi um helgina aftur austur, því ég á afmæli 24.maí þá verður maður loks 18 ára.

Og að enn öðru, firmamót Blæs var haldið í dag, um 50 skráningar sem er bara mjög gott. Ég er í firmanefnd og var í þessu ásamt 4 öðrum að plana mótið. Við fengum fínasta veður og þetta gekk mjög hratt og vel. Ég keppti á Djákna í Valkyrjuflokki (kvennaflokki . Lenti reyndar í því að hann reif undan sér í gær og því var annar framhófurinn aðeins minni enn hinn og það var virkilega að trufla hann. Hann fipaðist mikið, eitthvað sem gerist bara ekki hjá honum, og var að skondra eitthvað að framan en ég vissi þetta svosum. En þetta var bara gaman svo á bara að járna klárinn almennilega á morgun eða á þriðjudaginn, þá verður hann í góðu standi aftur

Hérna er mynd af okkur